聖伊天防線穿窿大件事

2020-02-13 11:08:47 来源:网络

今晚法足盃8強戰,聖伊天於中立場出戰非聯賽球隊埃皮納勒。聖伊天狀態低迷,防守甩轆頻頻失波係關鍵,埃皮納勒上圈爆冷淘汰法甲「4哥」里爾唔講得笑,冇心理包袱下必定搶攻,入球大更可取。(myTV Gold 302、now 639、有線655及615台周五凌晨4時直播)

聖伊天去年10月易帥,搵嚟前李斯特城教頭佩爾接手,一度有起色,不過去到去年年尾又跌Watt,聯賽連盃賽在內,近14仗竟然輸咗9場,當中只有2場保持清白之身,共失28粒,防守錯漏百出,亦同主力守將威廉沙列巴不時受傷有關,依家喺聯賽徘徊下游,護級大過天,今仗有冇心去搏都成問題,防線隨時繼續中門大開。

埃皮納勒表現嚇你一驚
埃皮納勒是今屆法足盃神奇球隊之一,頭5圈在法定時間取得4勝1和,包括上圈憑科特迪瓦前鋒卡拉素梅開二度,爆大冷以2比1擊敗上季法甲亞軍里爾,令人喜出望外。講開卡拉素,雖然佢今季入波唔算多,但每逢打法足盃特別醒神,近4圈入4粒弗到震,絕對係盃賽殺手,必定趁喺呢類大舞台入多幾粒響朵。而且對埃皮納勒嚟講,其實已超額完成,冇乜嘢好輸之下今仗更搶韁,撞正聖伊天嘅豆腐渣防線,捧入球大最上算。

246+天天好彩免费资料挂正版